Колледж студенттері осы жазда пойыз жолсеріктері болып жұмыс істейді

Студенттер Алматы — Семей және Алматы – Защита бағыттары бойынша пойыздарда еңбек етеді. Жұмыста оларға әбден ысылған әріптестері көмек көрсетеді.

 Іс жүзінде олар клиентке бағдарланған жолаушыларға қызмет көрсету дағдыларын алады, мінсіз қызмет көрсету әдістерін меңгереді, пойыздарда көрсетілетін қызметтер түрлері мен сапасы туралы біледі.

 Жұмыс қорытындысы бойынша өзін жақсы жағынан көрсеткен студенттер одан әрі жұмысқа орналасуға шақырылады.

 "Жазғы студенттік отрядтары" жобасы кадрлық әлеуетті дамытуға, жұмысқа орналастырылған жас мамандардың үлесін арттыруға, бейінді оқу орындарының жұмыс берушімен тиімді өзара іс-қимылына және студенттердің білімін практикалық қолдануға бағытталған.

 Осы жоба аясында логистика және көлік академиясының 18 студенті Достық және Алматы станцияларында жол монтері болып жұмысқа орналастырылды.

 Барлық студенттермен мерзімді еңбек шарттары жасалады, оларға штат кестесіне сәйкес жалақы төленеді.

"Қазақстан темір жолы" ҰК" АҚ баспасөз қызметі